شوية نكت نوووووووووووووووووووو كومنت

**اتنين صعايدة بيلعبوا شطرنج
الأول: هـــــــا موتلك الحصان
الثانى : ( خرج وجالة بعد ساعة ) هـــا سممتلك البهايم

**واحد بيسأل خطيبته : حد قبلى لمسك ؟ سكتت
قالها : زعلتى
قالت له : لأ بأعدهم

**التلميذ : بحبك يا أبله و عاوز أجوزك...
المدرسه: بس أنا مبحبش الأولاد الصغيرين...
التلميذ: وأنا مش مستعجل على الأولاد

**مرة حمار بيقول لخطبتة احنا هنتجوز امتى يا حمارة
قلتلة لما تحسن الفاظك شوية يا حيوان

**مره واحد بارد قوى ركب اتوبيس شاف بنت حلوه قعده يبصلها بصتله غمزلها غمزتله راح مقرب منها و قال ننزل المحطه الجايه هى نزلت و هو اعد على الكرسى

**واحد عنده مزرعة فراخ.. دخل المزرعة لقي كل فرخة بايضة بيضة واحدة بس..
مسك فرخة من رجليها ونتف ريشها وقطعها..
وقال للفراخ :- اللي مش هتجيب بكرة خمس بيضات هقطعها زي الفرخة دي
.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس..
فقاللها :- ايه ده؟؟
قالت له :- استر عليا ده انا ديــــــــــــــــــــــك

**كان فى واحد صعيدى جايب لابنه عربيه فا ابنه راح و قاله يا بابا انا رخصت عربيتى خلصت ابوه قاله يا فالح مانت داير تلف بيها طول النهار

**ايه أسرع ثلاث وسائل للاتصالات؟
Telephone
Television
Tell -a- Woman

**ندل مر على مقبرة شغل المسجل وحط أغنية الحياة حلوه

**واحد أحول راح يجيب أبوه من المطار باس الشنطة وشال أبوه

**إثنين ساكنين في خيمة ونايمين على ظهورهم بالليل .
شاف الأول السما وقال للثاني : شايف إية؟
قال: شايف النجوم.
قال الأول :وده معناه ايه ؟
قال: إن في مجرات وكواكب غيرنا في الكون
قال الأول : دة معناه ان الخيمة اتسرقت يا حيوان .

**مرة واحد احول جه يعيط رجع

**الاستاذ : ما معنى كلمة ( سبيل ) ؟
الطالب : طريق .
الاستاذ : ممتاز – والآن ما معنى كلمة ( سلسبيل ) ؟
الطالب : طرطريق

**واحد من الجماعة المهمين سأل الاخ بوش في الخباثه : إنت ليه متأكد إن في نووي في العراق؟
!!! بوش : لأن معايا الوصل اللي أبويا باعهلهم بيه

**دبانة وقعت فى ازازة وسكى طلعت تقول وسع للنسر

**فيل على علاقة بنمله قرر فجأه ينهى العلاقه فقالت النمله وهى تترجاه ارحمنى و ارحم الفيل إلى فى بطنى

**واحد عصبي اتجوز واحده عصبيه يوم الولاده... الولد بيقول للدكتور وسع إنت ...ابعد ...أنا خأنزل لوحدي

**واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة

**ٍس:بقولك ليه بنوا تلات أهرامات بس مش أربعة؟
ج:عشان الشلن يقضى...هههههههههههه
س:ليه أتاخروا فى بناء الاهرامات؟
ج:عشان كل ما يرصوا حجرين كان البوليس بيطب عليهم

**واحد بلديتنا حب يعمل ارهابى.. خطف ابنه.. محدش سأل عليه قتله

**واحد أعمى فتّح ... من الفرحة اتشل

**أتنين أغبيا
واحد بيقول للتاني : لو عرفت أيه اللي في الكيس ده ... حديك منه سمكه
التاني قاله : البحر

** مرة واحد حب يطور الطيارة الهليكوبتر ركب بدل المروحة تكييف

**مرة واحد حب........العصافير كلته

**واحد مسطول رجع مع صاحبه البيت الفجر . مراته بصت من البلكونة.
وقالت : بقينا الفجر و لسه جاى , اطلع يا منيل"
. قال لها : اطلع فين ؟؟؟
انزلى شوفى جوزك مين فينا

**استاذ سال تلميذ الثعلب بيولد ولا بيبيض قاله ده مكار اتوقع منه اي حاجه

**واحد اتزنق فى ربع جنيه.................. طلع من الخورم

**مرة واحد راح السودان بالليل ملاش حد

**مره اثنين حششين فواحد بيسال الثانى هو الحشيش حرام ولا حلال رد عليه الثانى وقله لو حلال ادينا بنشربه ولو حرام ادينا بنحرقه

**واحد مهندس كمبيوتر راح للجزار قاله هات اربعة كيلو لحمة مفرمته .. بس قسمهم لي على تو بارتيشن-------

**مره واحد بلديتنا طلع عليه الفجر قتله

**واحد خش في موضوع كسره

**مره واحد كان قاعد مع خطيبته علي النيل-------
قال لها شايفه القمر يا ليلي
وردت عليه بتقوله
لهو انا عامله يا منيل

**مدرس تاريخ بيقول لطالب: ماذا تعرف عن كيلوبترا
قاله : السوبر ولا العادة

**مرة واحد مسطول قبض مرتبة وقاعد بيقسم المرتب مية جنيه ايجار مية جنيه مصاريف وعشرين جنيه حشيش البوليس خبط علي الباب قطع العشرين جنيه بتاعت الحشيش

**واحد مسطول سألوة عن ارأيو فى الزواج المبكر
رد قال : حوالى الساعه كم كدم؟

**مرة مدرس جغرافيا ابنه تاه دور عليه فى الخريطة

**واحد قابل صاحبه قاله امبارح كنت قاعد في البلكونة وقعت عليا بعكوكة
قاله يعني أيه بلكونة

**عملو مسابقه لكشف الكدب جابو من المانيا واحد ومن الصين واحد ومن مصر جابو الصعيدي
وضعوا الالماني علي الجهاز قال : احنا فكرنا نعمل صاروخ حجمه قد الكرة الارضيه
الجهاز رن
وضعو الصيني علي الجهاز قال : احنا فكرنا نعمل دبابه نوويه
الجهاز رن
وضعوا الصعيدي علي الجهاز قال: احنا فكرنا
الجهاز رن
"احترامى للصعايده يا استاذ"

**مرة واحد صعيدى بص فى المراية طلب اتنين شاى

**مرة واحد عداه العيب خد اللي بعده

**مرة واحد كتب على الحيطة معرفش يطلقها

**ازاى تعرف تصطاد ارنب وانت معكش غير صخرة
.
.
.
.تقف ورى الصخرة وتقلد صوت الجزرة يقوم الأرنب جاى عليك امسكوا

**مرة واحد باكستاني قابل واحد باكستالت

**مره واحد اتزنق في قرشين فعصوووه

**مره واحد صعيدى شاف قشرة موزه على الأرض فقال يييه هاااتزحلج تانى

**مرة مدير شركة كدليز دخل السجن خرجوه بكفولة

**مره ضابط في الجيش طلع على المعاش اخذ مكفاءة نهاية الخدمة اشرى بيها ارض و زرعها الغام

**فرخه اتجوزت فيل، خللفوا ولد سموه تشيكن فيليه

**مرة نملة دخلت تستحمى تاهت فى الليفة

**واحد سكران فتح التلاجه وبص للجلي ..0لقاه بيرتعش
قاله : متخاااافش هاخد عصير

**أتنين فراعنة بيحششوا في المعبد دخل عليهم الكاهن بتاع المعبد وقالهم ((أمون راع))

رد علية واحد منهم وقال : (( راع فين ياعم )) مهو قاعد جنبي أهوه

**طفل اتولد و ظل 5 سنين لا يتكلم, اول كلمة قالها :خالي.... بعدها بيوم خاله مات
ومر اسبوع واتكلم الولد مرة ثانية و قال :اخويا ....بعدها بيوم اخوه مات
ومر اسبوع آخر والولد قال : بابا .....فكتب الاب وصيته بعدها بيوم
جارهم مات

شديدموووووووووت تسلم ايدك

ميرسى ليك يا مووووووووووودى يا منورنى دايما

هههههههههههههههههههههههههههههههههههههههههههه
ينهااااااااااااااااااااار ابيض والله انا مش قادر اضحك يامعتز والله بجد تسلم ايدك موضوع كله ضحك مووت

الله عليك يا وزة نكت شديدة قوي

هههههههههههه روعة موت

ههههههههههههه

جامدة يا معتز يا جامد

زائر

هههههههههههههههههههههههههههههههه
والله رهيييييييييييييييييييييييييييييييييييب ياميزو
بجد روووووووووعة

ميرسى ليك يا وانتد يا حبى
ميرسى ليك يا تيتو يا صديقى
ميرسى ليكى يا دموع يا منورانى دايما
ميرسى ليك يا نؤنؤ
ميرسى ليك يا سيما يا قمرايه

الله الله بجد

بجد مش عارف ارد أقول إيه
تسلملى

» شوية صور تمامووووووووووووووز
» شوية نكت جامدين
» شوية اسرار جامدة
» أحلى شوية نكت لأحلى ناس هترد عليهم !
» شوية نكت يا رب تعجبكوا بس انا عارف إنها هتعجبكوا !