الجزء( 1 & 2 & 3 & 4 & 5 )احمد & ملك

قصة حب حصلت بجد وهتحصل كل يوم لاى حد فينا
بس ممكن اللى يختلف فيها النهاية
دايما بيكون فى نهاية لاى قصة حب اما سعيدة واما نتهى كانها مكنتش

الحكايه ابتدت اول يوم في الجامعه
لما مجموعة شباب اصحاب اتفقوا انهم يدخلوا كلية واحدة وفعلا حصل اللى عاوزينه وكانو (احمد) بطل القصة دى وكان معاة كمان(محمد) و (هشام) يلاااا بقى اقولكوا اية اللى حصل ....وربنا يسطر Very Happy

دخلوا الثلاتة الصحاب من باب الجامعة اول يوم طبعا احساس جديد وغريب اوى اكيد كلنا جربنا
مكان جديد وناس جديدة كمان مش عارفنها بس المهم اننا مع بعض ودة مهون عليهم التجربة.

احمد بيكلم هشام
الكلية دى شكلها من جوة مش زى ما كنت متصورها

هشام
يا عم حلوة المهم اننا مع بعض وخلاص

احمد
اة يلا كويس اى حاجة بقى اهى فترة وهتعدى هو الواد محمد راح فين

هشام
مش عارف اهو كان هنا تلقية بيلف لوحدة تعالى نشوفة

ودخلو مبنى جديد شكلة كبير اوى مدرج جديد

احمد
اية يا عم محمد انت سيبنا وقاعد هنا لية

محمد
هنا الجو احسن خلينا قاعدين بقى

احمد
على رايك يلا كويس

وفى لحظة يدخل بنتين المدرج قدامهم وتيجى عين احمد على واحدةاةةةةةةةةةة يا خرابى على القمر يا نااااااس مين دى ؟
ياعم واحنا نعرف منين ماهو لسة احنا معاك اهووفضل احمد حاطط عينة عليها طول الوقت بيتفرج على رقتها فى الكلام وصوتها الرقيق اللى زى صوت العصافير وفضل على الوضع شوية

بس فجااااااءة

جت مجموعة شباب رخمة اووووووى وبداءت تضيقها هى وصحبتها
اية يا عم العسل دة انا لو اعرف ان الكلية فيها حاجات كدا انا كنت خلصت ثانوى من زمااااااااان

هي
تعالى نمشى من هنا شكلهم شباب مش محترم
وفى اللحظة اللى هى بتمر فيها من قدامهم

اةةةةةةةةةةة
واحد من العيال دى بيحط ايدة على ؟؟؟؟؟؟؟ طبعا الشباب عارف
هى وبصوت عالى اية قلت الادب دى انت مش محترم وطبعا
الواد رد عليها رد بايخ كل دة وصاحبنا مضايق وفجاءة
نزل قدامها وبيكلم الشباب دول

احمد

عيب يا رجالة دى بردة زى اختكوا ومينفعش كدا

هماااااااا
يا عم وانت مال ؟؟؟؟؟؟؟ انت خليك فى حالك

احمد
انت بتقولى انا كدا وطبعا مع مد الايد من الطرفين وكلة اشترك فى
المذبحة ههههههههه بداية مشرفة لحد ما تدخل حرس الجامعة
وخدوهم على مكتب العميد.

وطبعا زى ما كلنا عارفين والعادى بتاع البنات انهم وقت الجد
بيهربوااا بيطبقوا مثل الجرررى نص المجدعة لا دا
هنا المجدعة كلهاااااا

العميد
من اول يوم كدا هو دة التعارف اللى بتتعرفوا بية على بعض

احمد
يا فندم اللى حصل وقبل ما يكمل

اااااةةةة بيدخل القمر وتستأذن من العميد انها تحكى الى حصل ومن هنا عرف صاحبنا اسمهااااااا (ملك) اسم فى
منتهى الرومانسية
...... المهم........

فهم العميد الوضع وخلصت الحاية على خير الحمد لله
وخرجت ملك وخرج وارها احمد علشان يعمل
حجة ويروح يشكرهااااا

لكن فجاااااااااااءة

واكملكواااا بقى لو قولتولى انكوا عايزنى اكمل فى الردود بتعاتكواااااا
Very Happy

مع تحياتي
هيرو

ههههههههههههههه
حلوة اوى ياعلاء بس متتفرجشى على افلام هندى كتيررررررررررررررررررررررررر

ههههههههههههههه

لا والله ياسلاااااااااااااااام

امال يعنى مش هتكمل حتى لو وحشه لازم نعرف نهايتها

بس هى حلوووووووووه

والله قصة جميلة تعبر عن الواقع اللي بنعيشه ونتمني من علاء اكمال القصة واخذ العبر والمواعيظ منها كما يشكر علاء علي مجهوداته العظيمة في كتابة القصة وفي جعل الناس ينشغلون بنهايتها لعدم وجود نهاية الي حد الأن وشكر جزيل لأخونا علاء

شكرا يا حوده ومش بحب الافلام الهندي اصلا
وشكرا على مشاركتك يا جودي وانا كداكدا هكملها بس عايز الناس تشوفها وتقراها بس مش اكتر
وشكرا ياحس على الرد الجميل اوي ده

موضوع: الجزء الثاني الأحد سبتمبر 05, 2010 3:40 am

.....الجزء الثانى ....
طبعا كلنا فاكرين كويس احنا وقفنا فين فى الجزء الاول
.نكمل بقى....
وفجاءة ااااااااااة .شاف ان فى اتنين شباب مستنين برة وبيتكلموا معاهم
وشاف ملك بتكلم واحد فيهم ومشيت معاة
طبعا ساعتها حصلتلة حالة صدمة
معقول الملاك دة يكون فى حد فى قلبة ولا يكون هو دة حبيبها
ياااا خسارة بقى هى كدا ومين اللى معاها وبيضحكوا يا خسارةةوخرج من الكلية حزين اوى ووصل مشى لحد بيتة وطول الطريق بيفكر فيها دخل البيت وهو مش بيكلم اى حد وكل اللى فاكرة المشهد دة وياترى مين الواد دة.
ودخل اوضتة وقفل على نفسة الباب وقعد يفكر لحد ما
سمع صوت صاحبة هشام بيندة علية
هشام -: اية يا عمنا قاعد فى الظلمة كدا لية
احمد -: اسكت يا هشام انا مضايق
هشام :- مضايق لية مالك
احمد :ياعم البنت اللى اتخنقنا علشانها فى الكلية النهاردة الصبح
انت ما شفتهاش وهى ماشية مع الواد اللى كان مستنيها
هشام :- طيب وانت زعلان لية
احمد :- مش عارف يا هشام دى من ساعة ما شوفتها وانا متحير
والله يا هشاااام مانا عارف انا بجد حاسس انها تهمنى اوى
هشام : طيب تعالى بس نخرج نفوت على محمد ونخرج نتمشى وسيبها بقى للظروف اكيد يعنى ها تتحل .

... وخرجوا وفاتو على صاحبهم الثالت ونزلوا على الكافية الى متعودين يقعدوا فية

...وفى لحظة كدا...
احمد:: هشام هشام بص كدا بسرعة
هشام : اية يا ياااااد فى اية مالك
احمد البنت بتاعت الكلية اهى هى وصاحبتها
هشام . اةةةة يا ترى رايحين فين
احمد:- يمكن بيتها قريب من هنا ولا حاجة انا هاامشى ورها واعرف
هشاااام :- يا عم انت مجنون تقول علينا اية البنت
احمد :- تقول زى ما تحب انا عاوز بتها وخلاص
محمد :- يا عم احمد اهدى شوية وانت ها تستفيد اية يعنى لما تعرف بتها
احمد : انا رايح وخلاص عاوزين تيجوا معايا تعالو مش عاوزين انا هااروح لوحدى
لالالالا ازاى نسيبك لوحدك مش ممكن ابوها ينزل يضربك هههههههههههههه
احمد: انتوا بتهزروا يلا بسرعة وراهاااا

وفضلوا طول الليل يا حرام يلفوا ورها لحد ما عرفوا بتها فى الاخر بعد ما داخو من اللف
لكن هى اخدت بالها منهم كويس انهم ماشين وراها

وفضل احمد مستنى يوم المحاضرة الجاية علشان يشوفها
دخلوا الكلية الثلاتة وكل همهم انهم يشفوها فين .
ودخلوا اول محاضرة لهم .
لكن طول الوقت كان احمد بيدور عليها بعنية وسط الناس كلها لحد ما شفها
وطول المحاضرة بيبصلها حتى هى اخدت بالها ان باصص عليها اوى
وخلصت المحاضرة بسرعة
خرج يجرى وراها لكن بردة حصل اللى كان خايف منة
وشاف نفس الشاب اللى كان معاها المرة اللى فاتت مستنيها برة
وقف احمد مكانة ومن جواة عاوز يروح ويقولها انة مش عارف اية اللى حصلة من اول مرة شافها
معقول يكون بجد فى حاجة اسمها حب من اول نظرة
ولا دة كلام افلام
احمد واخد بالة انها بتكلم الواد دة علية وشايفها بتبص نحيتة
ولما خرج اصحابة وهما ماشين من قدامها سمع احمد صوت الشاب دة بيندة عليهم
اةةةةةةةةةةةةةة ربنا يستر يا ترى فى اية

ونكمل بقى فى الجزء الجااااااى
استنونى......

جامده جدا يا علاء تسلم

بتحب انت تقف فى حتت غريبه تخلى الواحد هيتجنن ويعرف ايه اللى بعد كده
بس انت كده صح على فكره ده اسول القصه Wink

وبجد رووووووعه يا لووووووءه

شكرا على مرورك يانور الدنيا ولو هي جمدا انت اجمد والله ومرسي ليكي
وشكرا يا جيمس على الرد ده الجامد جدي وانا لو مش وقفت في الحتت دي ممكن مش تتابع القصه كدا

وده الجزء الثالث انا هكتبو مع اني مش شايف ردود كتير تشجعني بس انا عارف ان الناس ملعيا في الدراسه اوك كفايه عليا الناس العسل اللي علقوا دول

موضوع: الجزء الثالث السبت سبتمبر 11, 2010 9:30 am

الجزء الثالث

طبعاااا يا حلوين انتوا فاكرين احنا كناا فين فى الجزء التانى..........

....نكمل بقى بسرعة يلااا.....

خرج احمد من باب المدرج واول ما شفها واقفة مع نفس الشاب طبعا ياحرام الدموع كانت ها تنزل من عنية
وبصلها بنظرة حزن وحط وشة فى الأرض..
هى فى الوقت دة كانت بتكلم اللى واقف معاة دة عن احمد وكانت بتبص علية
خرج محمد وهشام اصحاب احمدوهما ماشين من قدامها سمعوا صوت اللى واقف معاها دة بيقول,,,
لو سمحتوا يا شباب.. ( طبعا احمد من جوااااة بيقول استر يا رب)
احمد:- ايوة يا كابتن فى حاجة؟؟
هو :- لا خير بأذن الله انا بس كنت عاوز اشكركوا
هشام:- تشكرنا على اية يا برنس
هو :- انا عاوز اشكركوا على اللى عملتوة مع بنت خااااالتى
طبعا صاحبنا اول ما سمع الكلمة دى من جواااااااة كان بيرقص [ندعوك للتسجيل في المنتدى أو التعريف بنفسك لمعاينة هذه الصورة]
ياااااااااااااااااااااااااة اد اية الجملة دى شالت هم كبير من جواااة بقالة كام يوم بيفكر فية
كدا الحمد لله استريح شوية واطمئن
المهم.....
احمد:- ( وبكل رومانسية وحنية كداا) لا والله احنا معملناش غير الواجب واى حد مكانا اكيد كان ها يعمل كدا
( طبعا بقى بيترسم قداااااام البنت )
محمد:- طيب احنا متشرفناش باسمك
انا اسمى مصطفى معاكو فى الجامعة هنا بس فى كلية ادااب
احمد:- ماشى يا صاصا انا اسمى احمد ودة هشام ودة محمد
مصطفى:- انا متشكر لكوا جدا واتمنى نبقى اصحاب
اكيد يا صاصا هانبقى احنا خلاص اصحاب ومشى مصطفى ومشيت معااة (ملك)
احمد:- ياااااااااااة طلعت بنت خالتة الحمد لله ياااااارب
هشام:- يلا يا عم ابسط مش قولتيلك سيبها على الله وهاتفرج
احمد:- ايوة يا صاحبى انت مش عارف اد اية انا ارتحت اوى اوى
محمد:- طيب يا احمد فى مشكلة
احمد:- مشكلة ؟ مشكلة اية بقى
محمد:- مش يمكن هو ابن خالتها بس بردة تربطة بيها قصة حب مثلا او ها يخطبها
احمد:- تصدق بالله ياد انت ما بيجيش من وراك غير الغم
طيب كنت سيبنى شوية ارتاح من الهم ال انا كنت فية
انا كدا طلعت من حفرة لحفرة اكبر
هشام:- بص يا احمد انت مش ها تنفع بالطريقة دى دانت بتحبها بقى يا برنس
احمد:- اةةةةةةةة بحبها والله انا نفسى اشوفها كل ثانية وكل دقيقة وكل لحظة
دانا نفسى اروح انام تحت البيت عندهم
هشاااام:- بس بس دانت شكلك لسعت خااالص علية العوض ومنة العوض فيك
ههههههههههههههههههه
احمد:- طيب والحل اية يا كبير
محمد وهشام فى نفس الصوت مفيش غير حل واحد
احمد:- اية هووووو انطقوااا
الحل الوحيد انك تروح وتكلمها وتقولها
احمد:- اكلمهااا طيب ازاى بس
هشام :- يا عم زى الناس ما بتتكلم
احمد :- طيب مش اعرف الاول هى مرتبطة ولا لا
اةةةةةةة عندك حق
هشام:- سيب بقى الموضوع دة عليا انا
احمد:- ها تعمل اية يا عبقرى زمانك
هشام:- هااقولك يا صاحبى انت مختش بالك من البنت اللى بتمشى معاها دى
احمد:- اة مالها دى بينا
هشام:- انا هااعمل اى حوار كدا وادخل اتعرف عليها وبطريقة حلوة كدا هااعرفلك منها ان كانت مرتبطة ولا لا
محمد:- يا هشااااااام يا روش والله يا بنى انت اللى فيا
( طبعاا كلة اشتغالات لحد ما يجبلهم اللى عاوزينة)
وروح احمد البيت ونام على السرير وباصص لفوق كدا
وكل اللى فى خيالة اجمل ملاااااك شافتة عنية واجمل ابتسامة ارتسمت على اجمل شفايف فى الدنيا
ونظرة عنيها اللى بتسحر وتدوخ من غير كلام كل وصوتها الرقيق
وفضل يقول لنفسة يا ترى لو طلعت مرتبطة انا هاايبقى حالى اية
معقولة كدا تكون قدامى ومقدرش اكلمها حتى ولو كلمة
..... وعدى يومين وكانهم سنتين علية .....
....ويوم المحاضرة الجاية.....
دخلت ملك هى وصاحبتها وطبعا احمد كان واقف وماسك فى ايدة التيلفون وبيرن على واحدصاحبة
واول ما شفها نسى انة بيرن على حد لدرجة ان اللى بيكلمة احمد فتح علية وفضل يكلم نفسة لحد ما رصيد احمد خلص هههههههههه
وبعدين بص لهشام كداوقالة,
هشام . ايوة يا احمد
احمد:- بقولك اية بلاش تكلم صاحبتها فى حاجة
هشام :- يا ااااااعم لية بس؟
احمد:- ياعم انا خايف تيجى وتقولى انها مخطوبة او مرتبطة مش عارف اية اللى ها يحصلى وقتها
انا دلوقت بقدر حتى ابص فى عنيها وارسم احلااااام فى خيالى
مين عارف وقتها ممكن اتحرم حتى انى ابص عليهااا
هشام:- يا حرااااااام دانت غلبان اوى ما تخفش
بأذن الله ها يحصل خير
احمد:- ياااااارب
وجت الفرصة الى هشام مستنيها وكانت البنت لوحدها
مشى هشام نحيتها واحمد مراقبة لحد ما وقف يكلمهاا
وفضل احمد حاطط ايدة على قلبة ومستنى هشام يرجع ويقولة اية اللى حصل

ودة بقى اللى ها نعرفة فى الجزء الرااااابع
.....استنونى.....
[ندعوك للتسجيل في المنتدى أو التعريف بنفسك لمعاينة هذه الصورة]

على فكرة يا جماعه انا يوم 9/15 هنزل جزئين مع بعض وخلي الناس تعيش
على شان مناسبه عيد ميلادي

جاااااااااااااااااااااااااااااااامده ياهيرووووووووووووووو بس ياريت تكملهم بسرعه عشان الدراسه وكده

هههههههههههههههههههههههه

كويس وكل سنه وانت طيب ياجميل

شكرا ليك يا جميل وان شاء الله هنزل الباقي بس مش هقدر انزلها كلها قبل المدارس انا زي موعدت جزئين النهردا

الجزء الرابع
زى ما عرفنا فى الجزء اللى فات ان احمد وااااقف فى لحظة حرجة
لحظة ها تحكم علية يا اما انة يخسر واحدة حبها من كل قلبة
يا ما يسمع خبر يفرحة
خلينااا نروح ونشوف حااال ( احمد ) واية احساسة دلوقت
يلااااااا بيناااا
بعد ما هشام وقف مع صاحبة (ملك) احمد حصلتلة حالة غريبة
واقف مش على بعضة وكانة ها يسمع حكم الاعدام
وايدية بتترعش وقلقاااان وفجاءة
دخل علية صاحبة محمد
محمد:- اية يا احمد مالك ياد لونك اصفر كدا فى اية
احمد:- ( ومش عارف يجمع جملة مفيدة) اصل هشام راح يكلم البنت وووووو
محمد:- بس يا احمد ما تكملش اية يا بنى مالك انت لو فضلت كدا كمان شوية ممكن تموت
تعالى نقعد على الكافتيرا ونستنى هشام هناك على ما يجى
احمد:- لالالا يا محمد انا مش قادر امسك نفسى وخايف موت من اللى هااسمعة انا مروح
محمد:- يا بنى استنى بس انت ماالك مرعوب كداااا
احمد:- معلش يا محمد انا ماشى مش قادر اتحمل اكتر من كدا
ومشى احمد وروح وزى كل يوم فى اوضتة نايم
بس المرة دى عمال بيتخيل حاجات غريبة وبسال نفسة
) لو هشام رجع وقالى انها بتحب ان خالتها هااعمل اية لالالا مش ممكن
دا ممكن يجرالى حاجة ومن جوة قلبة قال يارب انت عارف ضميرى ليها استرها معايا بقى)

مر يجى 3 ساعات لا دول كانو 3 سنين وفجاءة سمع احمد صوت هشاااام و محمد بيندة علية
نط احمد وجرى على الباب وشد ايد هشاااااااام ادخل بسرعة احكيلى اية اللى حصل
هشاام:- اية يا عم ها تكسر ايدى بالراحة عليا شوية
احمد:- بالله عليك انطق مش قادر استنى اكتر من كدا
هشام :-( حط وشة فى الارض كدا) ومحمد كمان
احمد:- اية ملكواااا اتكلمووووا
خلاص طلعت مخطوبة خلاص مش ليا لحد غيرى مين مصطفى
ولا واحد تانى ( وفى اللحظة دى نزلت دمعة بجد من عين احمد)
هشااام :- احمد انت بتعيط بجد ما تخفش ياد احنا بنهزر معاك
احمد:- ( وانتبة لهشام اوى) بتتكلم بجد يا هشام
محمد:- ايوة يا احمد اطمئن
احمد:- منكولله وقعتوا قلبى اتكلم يا هشام اية الى حصل
( ونسمع بقى اللى حصل مع هشااام من اول ما دخل يكلم صاحبتها)
هشام:- سلاام عليكم يا ا نسة
هى :- وعليكم السلام ورحمة الله وبركاتة
هشام:- لو سمحتى يا انسة كنت عاوز اخد من وقتك دقيقة واحدة بس لو سمحتى
هى :- ممكن اتفضل اتكلم
هشام:- بصراحة انا جاي اكلمك فى موضوع يخص صحبتك ملك
هى:- ملك اية ملها ملك
هشام:- الاول ممكن اعرف منك حاجة بس
هو انتى اسمك اية الاول بس
(انا اسماء)
هشام:- عاشت الاسامى يا اسماء قوليلى بقى الاول هى ملك مرتبطة بحد
اسماء:- واية يعنى سبب السؤال دة
هشام:- ها تعرفى السبب لما تجوبينى
اسماء:- لا مش مرتبطة
هشام:- ولا فى حياتها حد
اسماء :- لا بردة
هشام:- طيب الحمد لله اسمعينى بقى .... طبعا انتى فاكرة الشاب الى تخانق علشان ملك
اسماء:- اة طبعا فاكراة مش اسمة احمد
هشام:- ايوةةةة احمد اهو احمد دة يا ستى دلوقت قايم نايم يفكر فى صاحبتك شكلة الواد بيحبها
اسماء:- اةةةةةةة يبقى كلام ملك مضبوط لما قالتلى انها ملاحظة انة بيبصلها كتير نظرات مش عادية
وكمان لما مشى وراها وانتوا معاة لحد بتها
هشام:- يعنى ملك حاسة ان احمد بيحبها
اسماء:- هى حاسة انة معجب بيها بس
هشام:- طيب يا اسماء ممكن نحاول انا وانتى اننا قرب بين الواد والبنت
اسماء:- ههههههههه انت بتهزر ولا بتتكلم بجد
هشام:- ضحكتك جميلة اوى بجد( لزوم الشغل اشتغالات يعنى) اسمعينى بس انا مش عاوز غير طلب صغير
اسماء:- اية هو الطلب دة لو كان فى ايدى اكيد هااسعدك انت وصاحبك
هشام :- انا عاااوز رقم موبايل ملك
اسماء: بتقول تيلفونها لا صعب مقدرش لو عرفت ممكن تزعل منى ودى صاحبتى من زمان ومقدرش
لالالالالالا مستحيل ادهولك ابداااااا
هشام:- طيب بس فكرى دا الواد هاايموت لو مكلمهاش النهاردة
( طبعا صاحبنا مش سهل وفضل يلف ويدور لحد ما اخد الرقم )
هشام:- الحق بقى ابلغ الواد لازمانة ها يموت من الانتظار
بس يا عم هو دة اللى حصل
احمد:- يعنى بجد معاااااك رقمها بجد
هشام :- اةةةةةةة بس مش ها تخدة غير لو عزمتنا على حاجة انا والواد الغلبان دة
احمد:- يا عم خد اى حاجة انت عاوزها بس هات الرقم
هشام:- خد يا عم الحبيب لتموت
ومسك احمد الرقم فى ايدة ومتخيل ملك واقفة قدامة
وفكر يكلمها بليل
:- ومرت الساعات وجة الوقت اللى احمد مستنية :-
وهو بيكتب الرقم ومن خوفة ايدة بتروح على ارقام غلط
يااااا حرااااااام
ومع كل رنة بيفكر ها يقول اية عمال بيحضر كلاام ويحفظ فية
مستنى تقول الو ويبداء يتكلم ويحكى
حاسس ان كل حتة فية عاوزة تقولها حاجة قلبة بيدق بسرعة رهيبة وصوت انفاسة عالية اوى
وفجااااءة مرة واحدة الخط اتفتح

الجزء الخامس
[ندعوك للتسجيل في المنتدى أو التعريف بنفسك لمعاينة هذه الصورة]

النهاردة بقى يوم مش عادى فى حياة احمد
اول مرة ها يكلم فيها ملك ويسمع صوتها بترد علية
محضر كلام كتيييييييييير من يجى اسبوع حاسس بية
ومحضرة علشان يقولة لحبيبتة قلبة
ماسك احمد التيلفون فى ايدة
ودقات قلبة الجيران سمعينها
مش عارف يثبت التيلفون مكانة علشان يسمع
ومع كل رنة جرس بيزيد قلقة
ااااااااااااة
الخط اتفتح
ملك:- الو
//:- الو
طبعا صاحبنا شكلة مغمى علية
هههههههههههههه
هو نفس الصوت اللى بينام يحلم يسمعة
احمد:- ملك
ملك:- ايوة انا ملك مين بيتكلم
احمد:- انا احمد يا ملك اللى معاكى فى الكلية
اللى كنت معاكى فى المشكلة اول يوم دراسة
ملك:- اةة افتكرت طيب وعاوز اية يا احمد
الواااد بيحاول يفتكر اى كلمة من الكلام الى كان محضرة
لكن ولا الهواااااااا ابيض يا ورد
هههههههههه
احمد:- ملك انا بتصل بيكى دلوقت علشان اقولك انى من اول يوم شوفتك فية وانا مش عارف اية اللى جرالى
ليل ونهار بفكر فيكى كل ماكان بدخلة شايفك بصورتك وضحكتك
كل كلامى عليكى
طبعا ملك بتسمع وساكتة
احمد:- ملك
ملك:- ايوة
احمد:- انتى سمعانى ولا لا
ملك:- اسمع يا احمد انا عاوزة افهمك حاجة صغيرة بس
انا يا احمد مش بفكر ولا هاافكر فى الكلام دة نهائى
وياريت ما تحوليش تتصل بيا تانى
ولا تكلمنى فى الكلية
وانا هااعرف شغلى مع اللى اداتك الرقم
وانا عارفة هى مين كويس
سلاااااام
كل اللى حصل دة وصاحبنا واقف بس متسمر مكانة وباصص قدامة من هول الصدمة
كل اللى بيدور فى دماغة فى اللحظة دى
ان ازااى ها يقدر يبص فى وش ملك بعد اللى سمعوا دة
وقعد احمد مكانة واد ما كان قلبة مليان فرح وسرور انة ها يسمع صوتها
دلوقت بقى كلة حزن بيتخيل شكل ملك وهى بتكلمة كدا ومضايقة
هو مش زعلان علشان نفسة بس زعلان علشان ضايقها بمكالمتة دى
وبيقول لنفسة
هااعمل اية بس يا ربى
سهر احمد طول الليل كل ما يجى ينام يسمع صوت ملك ويفتكر كلامها
يقوم ويقف فى الشباك بردة نفس الحالة صوتها وكلمها مش عاوز يتشال من دماغة
وتانى يوم
هشام بيندة على احمد علشان يرحوا الكلية وكمان يعرف صاحبة عمل اية
هشاام:- اية يا بنى انت لسة نايم
احمد:- والنبى تسكت انا مش ناقص
هشام :- لية خير حصل اية صحيح قولى
قوم اللبس واحكيلى فى الطريق
احمد:- انا مش رايح الكلية يا هشام
هشام :- لية
احمد:- من غير لية
هشام:- انت كلمت ملك
احمد:- اة كلمتها ويارتنى ما كلمتها دى مسحت بكرامتى الارض
وقال لهشام على الكلام
هشام:- يا احمد اكيد دة العادى انت اول مرة تكلمها
مش معقولة يعنى ها تسلمك قلبها بسهولة من اول مكالمة كدا
احمد:- ياعم انا مقولتيش كدا بس المفروض كانت تكلمنى بطريقة حلوة شوية
هشام:- طيب بس يلا قوم
احمد:- قولتيلك مش رايح هاابص فى وشها ازاى انا
هشام :- يا عم يلا والله عادى
احمد:- ياعم والله مانا رايح خلاص
هشام:- طيب براحتك انا رايح اعدى على محمد ونروح سلاااام
احمد:- مع السلامة
ومشى هشام وعدى على محمد وراحو هما الجامعة واحمد فضل فى البيت حزين
فى الكلية حصل حاجة
اسماء صاحبت ملك طبعا كانت مضايقة جدا واول ما شافت هشام
اسماء:- كدا بردة يا هشام صاحبتى تزعل منى بسببكوا انت وصاحبك
هشام:- لية حصل اية بس
اسماء:- ملك عرفت انى اللى اديتكوا الرقم وزعلت منى اوى ومش عارفة ارضيها ازاى
هشام:- زعلت امال الواد اللى حرقت دمة ومش عاوز يجى الكلية بسببها دة يعمل اية
اسماء:- احمد
هشام:- اة احمد مش عاوز يجى يحضر علشان عنية متجيش فى عنيها بعد الكلام اللى زى السم اللى سمعة منها امبارح
هشام:- هى قالتيلك هى قالتلوة اية وازاى كسفتة كدا
يعنى كانت تجيبها بطريقة حلوة شوية
اسماء:- اة والله عندك حق احمد دة شكلة حساس اوى
انا هااكلمها واقولها واشوف ردها اية واجى اقولك
هشام:- اةة ربنا يكرمك والله يا اميرة انتى
هههههههه
وراحت اسماء قالت لملك ان احمد مش عاوز يجى الكلية بسببها
طبعا البنت حست انها بجد كسفتة اوى
ورجعت اسماء لهشام تكلمة وقالتلة
يا هشام والله ملك مكنش قصدها تكسفة ولا حاجة بس كانت مضايقة اوى وقتها
قول لاحمد ما يزعلش والله خلاص
هشام:- طيب والله هااقولة
وهو مروح بقى عدى على الحبيب الحزين فى البيت
هشام:- ابسط ياعم اهى البنت بنفسها بتقولك ما تزعلش
احمد:- انت بتتكلم بجد انت كلمتها
هشام :- لا بس صاحبتها كلمتها
احمد:- يعنى قالت اية
هشام:ياعم بتقول انها كانت مضايقة اصلا وعادى بقى
احمد :- طيب خلاص
وفااات اسبوع وداخل احمد من باب الكلية شاااف مين بقى
ملك واسماء قاعدين سوا
حط احمد وشة فى الارض وعدى
وراح قعد على الكافتيرا بعيد شوية
وقاعد يفكر فيها
وحس احمد بايد بتخبط على كتفة
اةةةةةةة مفاجاءة
يا ترى مين
.....نعرف الجزء الجاى بقى.....

انا كدا وفيت بوعدي جزئين اهمه

اهااااااااا وفيت
بس ياريت تكتب الباقى بقه بسرعه بليزززززززز

عشان مينفعش منشوفش الباقىىىىى عشان الدراسه وكده

وميرسى ياجميل بجد تحفه

» احمد حلمى و احمد فلوكس 2010
» احمد & ملك
» احمد عز 2010
» برضو اصحااااااااااااااب ... احمد نور
» احمد السقا وغاده عاااااادل