يارب القصه دى تعجبكم
يلا نبدابسم الله الرحمن الرحيم
بينما انا فى المركب لقضاء نزهه فى النيل
جلس بجانبى شخص غريب فدار حديث بينى وبينه وعرفت ان اسمه جحا
اخد يحكى لى عن حاله قائلا:من كام شهر كنت شغال ف مصنع حلويات وكنت بشتغل 12 ساعه
روحت ف يوم وكالعاده امى بتصحى من نومها مخصوص تحضر لى العشا(اعز الناس عليا هى الست ام جحا دى والله(
المهم كلت وقعدت مع امى شويه وداخلت انام
صحيت الصبح حسيت انى مش شايف فبصيت ف المرايه
وكالعاده اتشأمت من شكلى الجميل بس طلع ف وشى حاجه احسن
طلعت حبايه على عينى ومش شايف الا بعين واحده
حاولت اخفيها عشان اكمل شغلى
ورحت الشغل لحد اخر الشهر وبعدين قبضت شئ وشويااااااااااااااااااااااات
جه المعلم جحا الكبير ابويا لاقيته مستنينى
وخد من القبضيه كلها ابن.... .
الله يسامحه بقى
الشهر عدى ولسه الحبايه ف عينى
عامله زى الجبل ف الصحراء
فوشى مش حلو والحبايه جت تكمل
قلت ياما انا عايز اروح اكشف عليها عشان بقالها كتير وفى حبوب تانيه طلعت ف عنيا من جوة
قالت:ياحبيبى يابنى وماله خد من ابوك فلوس وروح اكشف ف الاستقبال
قلت ماشى
روحت للمعلم جحا الكبير على القهوة
لاقيته قاعد كالعاده عامل زى شوال البتنجان وشغال حشيش
قلت يابا انا عايز فلوس اروح اكشف على عينى
قالى تكشف ايه مالهاش لازمه
روحت زعلان واستنيته لما رجع من ع القهوه
فكلمته تانى عشان اروح المستشفى الصبح
قالى يابنى الحبوب دى اسمها ابو جلاجل
لو عايز تخف منها
انا اعطيت الدواء
وان اشء الله تجد فيه الشفاء
قلت ف سرى :ابويا هيعمل فيها ابو العريف اهه
قالى ايه المعلم جحا الكبير :بص يابنى المرض دا لما كان يجى لحد فينا زمان كنا نعمل ايه؟
قلت :ايه
قالى :تشحت سبع لقمات من سبع فاطمات(سبع نسوان اسمهم فاطمه)
وبعدين تبلهم ف مايه وتأكلهم لكلبه سودا
قلت له وبعدين
قالى فيه الشفاء ان شاء الله
قلت له وعينى
قالى عينك هتخف بقى
قلت لامى قالتلى ايوة كانو بيعملو كدا زمان
قلت :ياحلاوة ياحلاوة
اروح لاى فاطمه بقى مفيش ف البلد سبع فاطمات
قالى اتصرف
اتصرف ايه انت كمان انا عايز اروح اكشف على الهبابه دى خلينى اخلص منها
انا عايز بكرة فلوس عشان اكشف
ادانى جنيه مواصلات وروحت المستشفى الاستقبال
قلت للسكرتير انا عايز اكشف على عينى
قالى مش هنا ياحبيبى
امال فين
ف مستشفى الرمد
وهى فين المستشفى دى كمان
قالى بعيده اركب لها من المحطه
هرشت ف دماغى وقلت انا مش معايا فلوس عشان اركب
قضيتها شعبطه
وروحت
لاقيت امم ف المستشفى
قلت ف سرى بقى مفيش ف المحافظه كلها الا مستشفى رمد واحده بس
ايه التطور داحجزت تذكرة عشان ادخل لاقيت قدامى عشرة قلت نستنى
انا خرجت عشان اكشف ولازم اكشف
كل مريض يطلع يروح الصيدليه المجانيه ياخد علبه قطرة ودهان مضاد حيوى
ابص للاول الاقيه احول ومعاه نفس العلاج
ابص للتانى الاقيه ادعش ومعاه نفس الدوا
فهمست وقلت الحكومه بتصرف اللى عندها اول باول اهه(والله بتفهم)
جه دورى فدخلت وقعدت
لاقيت دكتورة بس لسه صغيرة وايه حلوة
سألتنى:عندك ايه؟
عندى حبوب ف عينى من جوة وبرة
ورينى كدا
اهه
قالت للدكتورة اللى جنبها اكشفى على المريض دا بالمنظار يادكتورة
ردت عليها وقالت اكشف ايه عايزين نروح اديله اى حاجه كدا وخليه يرجع بعد اسبوعين
وانا يعينى ماتكلمتش الا ف سرى كالعاده
ادتنى روشته ورحت اصرفها من الصيدليه المجانيه خدت نفس الدوا
قلت بركه
للحديث بقيه مع
سلسله مغامرات حجا المصرى
