انتخابات الرئاسه المصريه 2011

وعدت انى اعمل الموضوع ده
والنهارده انا بوفى بوعدى


هي انتخابات سوف يتم إجراءها في مصر خلال عام 2011 في شهر سبتمبر.
وتعتبر ثاني انتخابات رئاسية في تاريخ مصر. حسني مبارك رئيس جمهورية مصر العربية قد لا يرشح نفسه لهذه الانتخابات مما يفتح الباب لطرح عدة أسماء قد ترشح نفسها أو يرشحها الناس مثل أحمد زويل (عالم كيميائي مصري - أمريكي وحاصل على جائزة نوبل في الكيمياء لسنة 1999) ومحمد البرادعي (المدير الرئيس السابق للوكالة الدولية للطاقة الذرية وهو حاصل على جائزة نوبل للسلام سنة 2005) وعمرو موسى (وزير الخارجية السابق وأمين عام جامعة الدول العربية) وجمال مبارك (الابن الأصغر للرئيس المصري حسني مبارك) وغيرهم لتولي منصب رئيس مصر وسط رفض الإخوان المسلمون تولي تولي المرأة والأقباط للرئاسة أو خوض الانتخابات الرئاسية المصرية حتى لو حصلوا على الشروط القانونية أو دعم أي من المرشحيين حتى الاّن.

المرشحين للرئاسه

حتى الآن هو المرشح الأساسي والوحيد ورقم واحد للحزب الوطني في الانتخابات الرئاسية القادمة كونة الرئيس الحالي للبلاد. ولكن لم يحدد الحزب حتى الأن اسم مرشحة في حين لم تصدر أي تصريحات من مبارك حول خوضة الانتخابات أم لا إلا أنه صرح في شهر مارس في عام 2010 أنه لا يمانع في أن يرشح المدير العام السابق للوكالة الدولية للطاقة الذرية محمد البرادعي نفسه ولكن فى إطار الدستور القائم.
رغم أنه لم يأتي بذكر أي طموحات لخوضة الانتخابات، يشك الكثيرون في وجود "مخطط توريث الحكم" -كما تطلق عليه المعارضة. تأتي هذه الإعتقادات بسبب ظهور جمال مبارك على الساحة السياسية بكثرة منذ إنضمامة للحزب الوطني في 2000 حتى وصولة لمنصب الأمين العام المساعد وأمين سياسات الحزب والتي أرجح البعض أنها لغرض إظهار جمال للشارع المصري.


في نوفمبر 2009 وفي خضم جدل سياسي حول انتخابات رياسة الجمهورية المستحقة في مصر سنة 2011 والعوائق الدستورية الموضوعة أمام المترشحين بموجب المادة 76 المعدّلة في 2007 وتكهنات حول تصعيد جمال ابن الرئيس حسني مبارك، أعلن محمد البرادعى احتمال ترشحه لانتخابات الرئاسة قي مصر مشترطًا لإعلان قراره بشكل قاطع وجود "ضمانات مكتوبة" حول نزاهة وحرية العملية الانتخابية. وقال البرادعي في مقابلة تليفزيونية أجراها مع شبكة سي إن إن الإخبارية الأمريكية: "سأدرس إمكانية الترشح لخوض الانتخابات الرئاسية قي مصر إذا وجدت ضمانات مكتوبة بأن العملية الانتخابية ستكون حرة ونزيهة".

إعلان البرادعى أثار ردود أفعال متباينة في الشارع السياسى المصري، حيث اعتبره البعض رسالة محرجة للنظام من شخصية ذات ثقل دولي مفادها أن عملية تداول السلطة قي مصر تحتاج إلى إعادة نظر. بينما رأى آخرون أن تصريح البرادعي يعد مسعى حقيقيا لفتح آفاق جديدة للحياة السياسية "المخنوقة" قي مصر. حسب وصفه.

وقال البرادعى قي بيان أرسله من مكتبه قي فيينا لـجريدة الشروق "إنه لم يعلن رغبته أو عدم رغبته المشاركة قي الانتخابات الرئاسية المقبلة".



رد أحمد زويل حول ما تردد عن وجود طموح سياسي له قال "أنا إنسان صريح.. وليس لى طموح سياسي، كما أننى أكدت مرارا أننى أريد أن أخدم مصر قي مجال العلم وأموت وأنا عالم"



طرح اسم عمرو موسى للترشح لمنصب رئيس مصر، لكنه لم ينف نيته الترشح لمنصب الرئاسة ولم يستبعده أيضاً، وترك المجال مفتوحا أمام التوقعات، وقال إن من حق كل مواطن لديه القدرة والكفاءة أن يطمح لمنصب يحقق له الإسهام في خدمة الوطن". وصرح كذلك لحدى الصحف إن الصفات الواجب توافرها في رئيس الجمهورية تنطبق أيضا على جمال مبارك نجل الرئيس المصري محمد حسني مبارك، وإن صفة المواطنة وحقوقها وإلتزاماتها تنطبق عليّ كما يمكن أن تنطبق عليك كما يمكن أن تنطبق على جمال مبارك. كما أعرب عن تقديره "للثقة التي يعرب عنها العديد من المواطنين عندما يتحدثون عن ترشحه للرئاسة، وإعتبرها ثقة محل اعتزاز لديه، وأعتبر أن بها رسالة وصلت إليه.". لكنه أيضاً قال أن الطريق إلى الرئاسة مغلق أمام معظم الناس فى إطار الدستور القائم.



رفعت السعيد رئيس حزب التجمع الوطني الوحدوي المصري ونائب في مجلس الشورى المصري.


محمود أباظة رئيس حزب الوفد المصري وعضو في بمجلس الشعب.



أنيس الدغيدي كاتب روائي وسياسي مصري أعلن عن ترشحه للانتخابات الرئاسة



ممدوح رمزي محامي قبطي وعضو في الحزب الدستوري المصري.

ملحوظه هامه جداااااااااااااا

لن تتم هذه الانتخابات تحت إي إشراف قضائي وتم رفض الإشراف الدولي لهذه الانتخابات حيث قال الأمين العام المساعد أمين السياسات في الحزب الوطني الديمقراطي جمال مبارك في مؤتمر صحافي "إن هذا الأمر يحكمه القانون والدستور الذي أتاح لمنظمات المجتمع المدني الرقابة على الانتخابات". وأكد أمين التثقيف في الحزب محمد كمال أن الحزب يرحّب برقابة المنظمات الوطنية لكنه يرفض الرقابة الدولية، معتبراً أن إلغاء الإشراف القضائي على الانتخابات لا يمس نزاهتها. وقال "معظم دول العالم لا يوجد فيها إشراف قضائي على الانتخابات ومع ذلك تكون نزيهة وحيادية."

رأيى الشخصى

ان انتخابات الرئاسه هتكون كووووووووووووووووووووسه فى كووووووووووووسه
واحتمال تحصل ثورات ومظاهرات جاااااامده اوى
ربنا يسترها علينا

اول مرة اشوف موضوع حقيقى ع المنتدى
والله زهقا رومانسيات اللى مرجعانا لورا ياض
المهم
الموضوع تمامموز بس مش هرد عليك دلوقتى
يلا بقى قسم الاخبار اللى كلمت عليه ميشو لسه مش عمله
كان المفروض دا هيبقى فيه

ميرسى يا هيشو
وانا فعلا مستنى ارائكم وردودكم وتوقعاتكم للى ممكن يحصل فى الانتخابات دى

بص ياسيدى محمد حسنى مبارك مش مرشح نفسه ف النتخابات دى
جمال مبارك تبع حزب الوطنى زى الوالد
ايمن نور حزب الغد اللى خد اعلى اصوات ف الانتخابات اللى فاتت بس بعد انتهاء الانتخابات خد ف الت****
عمرو موسى مش مرشح نفسه على ما سمعت حاو تتأكد من الخبر دا ياجيمس
احمد زويل راجل محترم بس زى ما قال ملوش ف السياسه
البرادعى باشا
دا عمل ايه لمصر قد ما عمل لامريكا
طبعا ما عملش 1 ف الميه
مش عارف الناس اللى مرشحاه هترشحه ليه
اولا هو مستقل ولازم ياما يعمل حزب ياما ينضم لحزب
الشباب متعلقه بيه ليه لانه بيقول انه هيغير الدستور
والله اعلم
المهم انا هرشح مين
بصراحه محتار

بس انت رشح نفسك وانا هروح انتخبك
وكمان انت لو قريت الكلام كويس وركزت فيه هتفهم نا حسنى مبارك م هيرشح نفسه
بس حتى الان هو رقم 1 فى الحزب يا ابو الذكاء
وكمان البرادعى ده واخد جايزة نوبل فى السلام مفتكرش يعنى هيفشل فى انو يكون رئيس جمهوريه
ومن رأيى الشخصى انو انسب واحد ليها وهياخدها ان شاء الله لو مشيت الحكايه قانونى
لكن لو الكوسه اشتغلت يبقى جيمى

ياعم برادعى ايه
اولا مبارك خللاص مش هيرشح نفسه
ثانيا البرادعى يابنى مش ابن مصر
يابنى دا عايش برة مصر وكمان دا عالم وامريكا مش بتسمح لاى عالم انه يرجع بلده يعيش فيها الا ان كان ميت
اشمعنه دا هتسيبه يرجع عشان الرئاسه
الحكايه فيها ان يامعلم

طيب يا جماعه يا ترى مين من دول
هيبقى احسن وااااحد

هههههههههههههههه عندك حق يا مانو
بس البلد كده هتبقى غابه لا هيبقى فى نظام ولا امن ولا امان
ومفيش حد هيقدر ينام مغمض عنيه ده اذا حد نام اصلا

انا بقول بالكوسه جيمى من غيرها البرادعى
وانا شايف انو انسب واحد ليها بجد

اهلا جيمس
ان شاء الله هيلغو الكوسه دى
وان شاء الله ياخدها الكويس
وربنا يقدم اللى فيه الخير
عمك هاشم ياض

رئاسة اية ياعم

انا نفسى اللى يجى يعمل على الاقل 3\4 حاجات
1- يوفر شغل للشباب اللى قاعد ع القهاوى ده بدل ما يشحتوا .
2- شقق للشباب عشان يتنيلوا على عينهم ويتجوزو .
3- ويا ريت بجد يعملوا قانون ينظم الحياة بين طبقات المجتمع
ناس بيجيلها فطارها طازه كل يوم من فرنسا (معروفين طبعا ) وناس مش لاقيه لقمة العيش
لو ده حصل مش هيكون فى حد بيشحت فى الشوارع عشان مش لاقى ياكل
ولا هيكون فى ناس من كتر فلوسهم مش عارفين يودوها فين .
كلمه واحده بس هقولها ورزقى على الله
ربــــــــــــنـــــــــــــــــا على الـــــــــمـــــــفـــــــــتـــــــرى و الـــــــــــــظـــــــــــــــــالــــــــــــــــــــم

تماموز

دلوقتى اقدر اقول ان البرادعى اكتر واحد الناس هتنتخبه
بس هل ياترى هتمشى كوسه ولا لا
وان شاء الله تبقى مصر هى مصر ايام زمان

البرادعى اكتر واحد يقدر يزبط البلد المنيلة على عينها دى
ياريت كل الناس تنتخبه
صدقونى هيزبط البلد دى
بس اكيد هتمشى كوسة يعنى مش جديدة على البلد دى ان كل حاجة فيها تمشى بالكوسة

ربنا يستر على الفتره اللى جايه دى
مشاكل حوض النيل
وكلو كوووم ومشكله الجزاير دى لوحدها كووم تانى بيطبقوا مثل (ضربنى وبكى سبقنى واشتكى)
وربنا يكون فى عون اللى هيمسك الحكم
كلوا عايز البرادعى بس البرادعى عايز يخشها مستقل والدستور بيقول اللى يرشح لازم يكون فى حزب والبرادعى مش عايز يعمله حزب مش عارف بقى ايه اللى صل دلوقتى وصفوت الشريف بيقول انهارده النتيجه مش هتظهر قبل يناير2011
واراهن انها هتمشى بالكوووووووووووووووووسه
ولــــــــــــــــــــكــــــــــــــــم مقدما (جيمى)

اقشطاااااااااااااااااااات ياعم السياسى

سيحيلى بقى خلينا نتقفش انا وانتى ونروح المزرعه (سجن المزرعه)

ياعم البرادعى ميقدرش يكثر القانون بس لو عايز يعمل حزب جديد هيتملى من الصبح بكل واحد مؤيد له
والحزب الوطنى رشح واحد جديد اسمه كدا اولله اعلم(هاشم حمدى)فرعون مصر الجديد
واكيد كلنا هنرشحه ياض ياجيمس
وان شاء الله والف الف الف مبروك

ماهى طالبه هاشم حمدى
هو ده اللى هيظبط البلد هيجعل من مصر قطعه من امريكا(ماما امريكا)
كلو يرشح حجا يا جماعه ومتنسوش حماره

اشطاااااااااااااااات عليك

هى ناقسه يا ياسمين
الناس دى بتاكل فى الشعب وكمان مش حاسين بالشعب