علامه استفهام

موضوع: علامه استفهام الجمعة فبراير 26, 2010 4:45 pm

اللون الازرق ( انا )

اللون الاخضر ( صاحبي)

اللون الاحمر ( حبيبه صاحبي )

علامه استفهام

بلاش تكلمها انا هكلمها

انا هعقلها انا هفهمها

بلاش تبصلها ولا تكلمها

انت مزعلها انت مخاصمها

منك اكيد زعلانه اديها فرصتها

تهدي وترتاح وتخف الجراح

عشان تقدر تسامح في اللي راح

ياتري لسه زعلانه ومنه غضبانه

خدتي خلاص وقتك ولا لسه محتاجه

هو كان نفسه ييجي يقولهالك

خلاص سامحتيه ولا لسه علي حالك

وانا اللي مرضتش يقولها بنفسه

عشان عارف ممكن عتابكم يزود عنادكم

وانا بقلق عليكم لو طال بينكم خصامكم

ممكن اقول حاجه ليك انت محتاجه

انت اللي شدتني وكل حاجه فيك انت عجبتني

مبقتش عايزاه انت اللي عايزاك

انت اللي فاهمني وانا اللي حساك

قوله مبقاش في بالي خليه يعيش خالي

دا صاحبي وعمري ما هخونه

فين عشقك ليه ايام جنونه

نسيتي خروجاتكم ولا مكالمتكم

ولا سهراتكم يوماتي الليل بطوله

خلاص انا موافقه هأجي معاك عشان نتصالح

بس متقولش كلمه قلتهالك دا هيبقي ليه جارح

ايوه كده ماشي هأجي وانا راضي

واصالح مابينكم زي كل مره عادي

وترجع كل حاجه زي مكانت عادي

انا جيتلك يا صاحبي وجبتها معايا

مسامحه وقلبها راضي

انت بس عليك تكمل التراضي

انا اسف حبيبتي ديما ظالمك معايا

مش هتزعلي مني تاني لحد النهايه

حبيبي كان زمان قصدي يللي كنت حبيبي

انا بقولهالك قدامه انا حبيته هو

واتمني اعيش حياتي عشانه بس هو

هو بيحس بيا بيفهم نظره عنيا

ديما تجرح وهو يدوي فيا

ليه احير في نفسي وهو اقربلي منك

ليه اعيش في ظلمك وانا قادره ابعد عنك

ليه اعيش في نارك وانا قادره اعيش في ضله

ليه اضيع عمري في جرحك وانا نفسي ادوب في حبه

ابعدي عني وانساني واياك تيجي عندي وتترجاني

قلبي قاسي ظالم جارح اناني

عذبني طول حياتي وعايزني اعيشله تاني

وبعد ما خلص الكلام شفت في عيون صاحبي وفي عيونها علامه استفهام

فضلنا واقفين ساكتين كتير ومات جوانا الكلام

واتفرقنا ومن ساعتها بفكر في معني علامات الاستفهام

حد يقدر يقولي كان ايه معني علامات الاستفهام اللي في عيونهم

كل واحد فيهم كان عايز يسألني سؤال يا تري ايه هو السؤال ؟؟؟

طبعا صاحبك اكيد حس بوجع جامد لما لقى اكتر انسانه حبها بتحب اعز صحابه

وانت فى نفس الوقت مكنتش عارف ترد لانك استغربت انها صارحت صاحبك قدامك

رغم ان جواك كان نفسك هى تقوله

يارب يكون ردى يوفى معنى السؤال

وبالنسبة لرأيى بجد ياعمرو والله انت ماشاء الله عليك اوى فى التفكير والكتابة والاحساس الحلو اوى الى بيوصلنا بسرعة

أولا ميرسي ليكي جدا

ثانيا انتي برضو مش فهمتي : كل واحد فيهم كان عايز يسألني سؤال يا تري ايه هو السؤال ؟؟؟

انا عايز نص السؤالين

مش المضمون

انه هيسالك انت بتحبها ؟
وانها هتسالك ايه رايك فى الى هى عملته وانك ترجعلها؟

اجابه مقنعه

موضوع جامد بس معرفش اية الاسئلة قوى

ميرسي ليكي

» إختار علامه واعرف شعور حبيبك تجاهك~لعبه جاامده~