شوية اسرار جامدة

جبت لكم شويه اسرار عن الشباب

اسمعوا بقى يابناتيت

وركزواااااا شويه كده

_____________

1-الشاب بيبص على البنت الحلوة (لان الله جميل يحب الجمال) بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .

2- الشاب ميحبش البنت تعاكسه و تترمى عليه و تتغزل فيه و في جماله عشان ده دوره هوا المفروض .

3- ممكن الشاب يعجب بيكي للحظة و ينساكي بعديها ولا كأنه شافك قبل كده .

4- لما الشاب يقولك انا مش قادر افهمك هوا يقصد ببساطة انو أنتي مبتفكريش بطريقته أو زيه .

5- "بتعملي إيه ؟" أو "كلتي ولا لسة ؟" دي أول أسئلة يسألها الشب لما يكلمك على التليفون بدل ما يقعد ساكت أو يقعد يتهته .

6- صحيح ممكن الشاب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها .

7- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك ازبل خلق الله) .

8- ابتسامة فرح جميلة منك بالدنيا واللي فيها عند الشاب .

9- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .

10- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .

11- لما الشاب يقولك انو عايز يقابل اهلك اوعي ترفضي بل بالعكس شجعيه و اققفي جمبه في المعركة عشان تحسي بحلاوة النصر .

12- الشاب بيبقى نفسه يقول ويقول عن نفسه .......... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن

13- على فكرة الشاب بيعيط (مهما بان جامد و قوي مهوا بني آدم برضو) .

14- لما تبقي في بداية علاقة متستعجليش على انك تضايقي الشاب عشان تتخانقوا ..........صدقيني هتتخانقوا هتتخانقوا .

15- الشاب ميعرفش يحلم و يتأمل كتيير زيك و معدوش صبر عايز كل اللي يتمناه يتحقق في ثانية .

16- الشاب يموت عشان يوصل للبنت اللي نفضتله و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .

17- لما توصلي لقلب شاب أنتي كده دخلتي سكة مفيهاش رجعة (دخول الحمام مش زي خروجه) .

18- اوعي تدي شاب رسالة متعلقة زي " عارف... " أو " عايزة أقولك حاجة.... " و تسيبيه كده عشان كدة دماغه هتنط لاستنتاج بعيد أوى عن اللي في دماغك
.

19- الشاب بيتجنن لما بيلمس ايدك .

20- الشاب لما يكون (بيحب لسانه )ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتهته و كأن القطة اكلت لسانه

21- لما الشاب يقولك " اااممممم " أو يديكي أي عذر لما تطلبي منه حاجة اعرفي انك مش عاجباه ومش مستعد يديكي (الكريديت كارد) أو حتى يدفع فيكي قرش واحد .

22-قولي للشاب أنتي عايزة إيه منه بالزبط من الاول قبل ما تقع الفاس في الراس و بعدين يقول باريت اللي جرى ما كان .

23- لما تقولي لشاب " لأاااه " بيسمعها هو
احاول تاني بكرا (معلش أطرش هههههههههههههه) .

24- الشاب بيكره الشاب الفافي .

25- الشاب بيموت في أمه (يعني كله الا هيا) .

26- الشاب ممكن يضحي بالفلوس اللي هيتغدى بيها عشان يشتريلك بوكيه ورد احمر (يعني يجوع عشان سواد عيون حضرتك) .

27- متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .

28- مستحيل تفهمي الشاب إلا لو سمعتيه كويس (فبلاش بقى تنزلي لوك لوك لوك لوك و اديه فرصة ينطق) .

29- الشاب لو قالك بحبك مرة واحدة في القرن اعرفي انه فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .

30- حاسبي ........ الشاب احسن واحد ينشر الإشاعات يعني في خلال ساعة واحدة شباب مصر كلها هيعرفوا اللي عايز يقوله من غير ما يعرفوا صدق والا كذب .

31- زي ما حصل مع امنا حوا و ابونا آدم أنتي نقطة ضعف الشاب (استغلي المعلومة دي كويس هههههههههه ).

32- صح انك تجربي الشاب الأول قبل ما تصدقي كلامه بس متسيبيهوش مستني كتير برة دائرة ثقتك .

33- الشاب غالبا بيبقى صريح قوي لما يجي يتكلم عن نفسه .

34- مفيش شاب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح لواحد بيتكسف من خياله.

35- الشاب الشيك النضيف يموت لو هدومه باظت حتى لو كانت الحتة اللي باظت اد السمسماية ولو حلفتيله 100 يمين انها مش باينة مش هيصدق (خوديها من قاصرها وقوليله يروح يغير) .

36- الشاب بيحب البنت المحترمة حتى لو مكانتش أمورة للدرجة .

37- انتيمتك (صديقتك العزيزة يعني) اللي الشاب بيلجألها لو حب يعملك مفاجأة مثلا أو في مشكلة بينكوا وعايز حد يتوسطله مش بعيد ابدا يحبوا بعض هما الاتنين و تخسريهم حبيبك و انتيمتك (وكدة 1000 مبروك خرجتي أنتي من مولد بلا حمص ايد ورا و ايد قدام ) .

38- الشاب لو شكالك همه و حكالك عن مشاكله هوا مش عايز منك غير انك تسمعيه واوعي تعملي فيها ام العرييف و تنصحيه في نفس ذات اللحظة (في حموتها ) انما بعديها ممكن .

39- حركة لا إرادية الشاب بيعملها فيكي لما تكوني أنتي حبيبته يفضل يضايقك و ينرفزك و يغيزك و يعلق على كل كلمة تطلع منك .

40- الشاب لو حبك و كنتي مرطبتة هيلاقي 1000 ملون طريقة يبعدكوا فيها عن بعض و يخليكي تحبيه ( فخلي بالك ) .

41- الشاب بيحب البنت اللي عندها حاجة اسمها عقل مش البنت اللي بتلبس ( مينيي سكرت ) .

42- الشاب بيحاول يجيب الهدية اللي ممكن تعجبك صحيح بتمثلي انها عاجباكي بس بينا و بيين بعض نادراً لما بتعجبك صح ؟؟؟ هههههههههه

. 43- عملياً الشاب بيتفاخر عن كل حاجة تخصه ( ده أساسي يعني هههههههههههه ) .

44- الشاب غالباً عمره ميتآمن على سر خدي بالك بقوا مبيتبلش فيه فولة وده غصب عنوا ديه طبيعة عادي يعني .

45- الشاب دماغه مبتهداش على طول بتودي و تجيب مبيبطلش تفكير ابدا .

46- الشاب خياله واسع قوي (يرمح فيه الخيل يعني . . . ههههههههه) .

47- الشاب طولك عنده مش مهم بس صدقيني مفيش عندو أهم من وزنك حااااسبي .

48- الشاب دايما لما يدخل علاقة جدية بيكون متملك لأبعد الحدود ( يعني هيقرفك قوي بس لو بتحبيه استحملي دي طبيعة آدم لما يحب) .

49- لما سيادتك تجنني شاب معجب بيعاكسك و تديله الطرشة ( تنفضيلوا يعني ) هيتمسك اكتر بيكي و هيلزأ هههههههه .

50- غالباً بيكون صعب على الشاب يسيبك و خصوصاً اذا كان بقالكو مع بعض أكتر من 3 سنيين ( يعني لو عمل كدة هيكون بيدوس على قلبه ) .

51- لازم لازم لازم الصراحة يعني تقولي للشاب أنتي بجد مستنية إيه من علاقتكوا ببعض قبل ما تدخولوا في الجد و تقع الفاس في الراس هههههه .

52- تجذير هاااام الشاب لازم يجرب الإحساس بالرفض وخصوصاً لو كان من الشوية الأماميير اللي مفيش بنت قدرت تقاوم جمال عيونه (ههههههه قال يعني ) وإلا عمره ماهيكبر و يعقل ويبطل لعب العيال

53- لو حصلت ظروف مش قد كدة غالباً الشاب بيلوم نفسوا أكتر بكتييير منك يا بنوته ده كمان ممكن توصل انه يعمل حاجة في نفسو اوعي تسيبيه في ظروف زي دي اتفقنا ؟ عشان ده أكتر وقت بيحتاجك فيه .

54- الشاب عموماً عنده انفعال و شغف انه يتغير للأحسن * بس إرادته للأسف ضعيفة يعني محتاج منك زأة لو مفيش مانع ههههه .

55- الشاب يكون مع الناس كلها واد إيه أسد مرعب محدش يقدر يفتح بقه معاه بس يجي معاكي أنتي و يبقى زي القطة المتروضة مش خوف منك لا سامح الله لأ ده من حبه ليكي هههههه ( إوعي تفهميه غلط ).

56- لو الشاب في موقف المفروض يكون متنرفز فيه و هوعمالك عم الكوول اللي أعصابه باردة و ميتعصبش بسرعة شوفي اذا كان عرقان هتعرفي أد إيه هوا متنرفز .

57- لما الشاب يقولك انو مجنوون بيكي يبقى فعلا حبك عمله جنان م غالباً مش بيكدب .

58- لما الشاب يقولك سبييني في حالي إعرفي إنه بيقولك "بلييز تعالي و إسمعيني" يعني زني عليه عشان يحس انك مهتمة بيه و ان اللي يدايقه يدايقك (بس مش الزن اللي يخنق) .

59-الشاب في الحقيقة غالباً ملوش قرار نهائي ( وخدي بالك من النقطة دي) .

60- لما الشاب يحبك بيطلع كل الحلو اللي فيه (إكسكلوسف ليكي أنتي و بس) شفتي بقا حبك بيعمل فيه حاجات حلوة إزاي .

61- لما الشاب يسيب التهريج و يبقى عايز يتكلم بجد إسمعيه و وريه اد إيه أنتي مهتمة .

62- لو الشاب فضل ساكت و قافل بقه متقلديهوش و تقعديلي ساكتة أنتي كمان انطقي و حاولي بكلمتيين كدة تزبطي القاعدة و تدوبي التلج اللي انتو فيه .

63- الشاب ما بيآمنش بالحب من أول نظرة على عكس معظم البنات وبرغم كده بيعاكس برضه لحد ميقع من غير ما حد يسم عليه و ساعتها بس هيآمن و يبصم بالعشرة ان في حب كدة .

64- الشاب بيحب في البنت أنوثتها بس ميحبش ضعفها يعني انوثة و قوة مع بعض و حلي بقى أنتي المعادلة الصعبة دي .

65-الشاب ممكن يضيع وقته في متش كورة أو في لعبة بليستاشن أو كومبيوتر (في الوقت اللي أنتي مشغولة بافكارك الرومانسية اللي بتشوفيها في الافلام الابيض و اسود) اوعي تتضايقي بالعكس خدي الموضوع ببساطة و لو مفيهاش رخامة حاولي تشجعي معاه أو حتى تلعبي معاه.

فهمتم ولا لسة اظن كدة كفاية
ياريت تعملو بيه

أى نعم هوه موضوع طوووووووووووووويل
بس تسلم إيدك و إستفدت مووووووووووووووز

زائر

والله موضوع روعة روعة رووووووووووووووووووووووووووووووووووووووووعة
وبجد اخر حاجه
الشاب طولك عنده مش مهم ( دى مش هسدقها lol!

)

جاااااااااااااااااااااااااااااااااامده اووووووووووووووووووووى يا ويسو بجد شديده

مرسى ليكم يااحلى اعضاء
وربنا يسامح الى فى بالى

42- الشاب بيحاول يجيب الهدية اللي ممكن تعجبك صحيح بتمثلي انها عاجباكي بس بينا و بيين بعض نادراً لما بتعجبك صح ؟؟؟ هههههههههه

ههههههه دى جامدة
بجد تسلم ايدك يادموعى

تسلم ياوانتد

يانهااااااااااااااااار

ده اللى حط الموضوع ده ولد وفضحنا كلنا

بصراحة ولا واحدة فيهم غلط Sad

بس حاجات قليلة اوى بتختلف من شاب لشاب بس معظمهم صح

ربنا يسامحك يافضحانا Very Happy

الله جامدة موووووووووووووووووووووووووت

لالالا الصراحة الموضوع كلة اكيد مؤكد بالتاكيد الاكيد موضوعج جامد يا ويسو

10- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .

دى الى انا شايفها فى نفسى Razz

مرسى ياميشو
هههههههههههههه اوك ياميمو

لا بجد الموضوع صح 100% بس انتي عرفتي دا كلة منين

موضوع جامد موووووووووت

انشاء الله نعمل بيه

url=http://www.0zz0.com][ندعوك للتسجيل في المنتدى أو التعريف بنفسك لمعاينة هذه الصورة][/url]

قشطاااااااااااااااات

بجد الموضوع جامد موووووووووووووت وانا مع ميشو فى رايه تسلم الايادى

بجد كلامك صح بس في حاجه الشاب لما بيحب بجد بيتغير عشان الي بيحبها

ميرسى ليكم

صح ياتيمور الى بيحب بجد ممكن بعمل اى حاجة عشان الى بيحبه

زائر

هههههههههههههه اشطات يا ويسووووووووووووو
والله فعلا الكلام ده كله صح

gamda ya wesooo
aywa keda yet3almo shwya

teslamy ya 2mer

الصراحة يا همس موضوع جامد <<<<<<<<اشطااااااااااااااااااااااااااااات

» قصة فكاهية جامدة جدا ادخل ومش هاتندم
» نكتة جامدة مووووووت خش وشوف
» شوية صور تمامووووووووووووووز
» شوية نكت نوووووووووووووووووووو كومنت
» شوية نكت جامدين