سامحني ياقلبي اني وجعتك ..
قربتك من ناس ضيعتك ..
وعشانهم بأيديا جرحتك ..
أنا عارفة أني يا قلبي ظلمتك
لما رضيت انك تعشقهم
وأنت عارفهم ....
وياما يا قلبي أذوك تعابينهم ..
........
كنت بتصبر ياما عشاني
وياما ياقلبي داريت احزاني
حتي الضحكة اللى بتضحكها
كنت بحسك بتمثلها
وشوفتك ياما ياقلبي حزين
شوفتك ليهم عبد ذليل
ورضيت اتعب فيا وفيك
مش علشاني ولا علشانك
علشان ناس طلعت نسيانا
وانت بتسمع كل كلامي
كل دا بس ياقلبي عشاني
علشان تتحمل أوجاعي
طب وحياتك عندي ياغالي
وحياة دمع عنيا ودمعك
بكرة يا قلبي هخدلك حقك
بكرة هغير طبعي وطبعك
وهندمهم على جرالنا
وهوريهم قسوة نارنا
هبداء مع غيرهم مشوارنا
واللي يخونا يا قلبي هخونه
هعرف مين يستاهل يا خدك
مين هيقدر حبك تعبك
واللي يا قلبي فيوم هيصونك
هدفع كل مشاعري عشانه
.........
من دلوقتي يا قلبي كفاية
امسح دمعك واضحك تاني
دا محدش يستاهل حزنك
ولا حد هينفعني بدالك
