يا ابو كريم احنا معاك
مصر بحالها واقفة وراك
خطط تكتك قول لولادك
افريقيا عاوزاكوا هناك
يا حضرى يا سديا عالى
يا املنا فى الفوز الغالى
عاوزين جماهيرنا تغنيلك
عاوزينك مارد طوالى
[color=brown][/color
يا ابز تريكا يا فنان
يا فارس كل الازمان
وريهم فنك ومهارتك
وازاى بتجيب الاجوان
[color=red][/color
ياحسنى يا عابد ربك
جماهيرنا كلها بتحبك
يا مدفع صواريخ متحرك
اسعدنا الله يسعدقلبك
يا معوض يا جناحنا الايسر
بحماسك مش ممكن نخسر
فى ثوانى بتسحبزملاتك
وتفوت فى الدفاعات وتكسر
زيزو يا مشاغب فى الملعب
فرقتنا جنان وانت بتلعب
عرفتك البرازيل والكاميرون
سماوى على المرمى ومتعب
يا بركات يا خفيف الحركة
نفسنا تملا الحركات بركة
دايما عقلك سابق رجلك
انت علامة شهيرة ومركة
يا سقا يا راجع لمكانك
غاب وائل والفرصة عشانك
اياك تتركها تطير منك
امسكها وتبت بسنانك
يا شوقى يامحور العاب
خدماتك من الباب للباب
بتدافع وكمان بتهاجم
ودة كلة بعقل وبحساب
ياعمرو يا صايم من فترة
حاسين انك راجع بكرة
تنهى صيامك تثبت ذاتك
لوتعرف محلاها الفطرة
يا متعب يا حبيبنا يا عمدة
عارفينك مستنى اليوم دة
متعنا واتعب اخونا
بنشاطك وشوطاتك الجامدة
يا صقر يا كابتن يا عنيد
جمعهم بالايد فى الايد
حمسهم دا جنوب افريقيا
تحتاج قوة وعزم شديد
جمهورنا يا شباب يا عظيم
املاهم عزم وتصميم
زودهم من عندك قوة
ينصركم قادر يا كريم
