عشقت الهندسه فبغنلها

حبيتك ياهندسة ونسيتها

ايام الثانوى بقسوتها

وشبابك ياهندسة حبيتها

وبناتك يا جمال خطوتها

في الجامعه ماشفت فى حلاوتها

في الكعب العالي ورقتها

مش عايز صيدلة ولا طب

مش فارقه معايا ابقى التوب

اخرتنا هنقزقز لـــــــــــب

والفاشل هنقولو يابوب

حبيتك حب رومانتيكى

ولا في قبلك..ولا بعديكى

لفينا أقسامك..مبانيكى

وحلمنا نحقق امانيكى

دحينا في كتبك توماتيكى

وسهرنا زاكرنا في لياليكى

في الاخر نصنا ميكانيكى

والنص التانى مدنية

الله ع الكيميا..يا معاملها.

تجاربها كلها عاملنها

التحليلية كلنا فاهمنها

مواضعها بسيطه وحافظينها

عضويه لزيزه وشئ ايزى

مين قالك صعبه ياعزيزى

اما الرسم ده شئ جبااار

قلبي وعقلي معاه احتار

والمعيدين دوول صاعبين نار

جايين ياخدوا منك تاااااار

اوعوا تقولوا دماغى مش فيا

خدنا الفيزيا في الثانويه

جت لنا تانى في الكليه

والمره دى جايه باعصار

حسرة عليكو وحسرة عليا

ياريتنا فضيلنا في الثانويه

وماشوفناش شكل الكليه

ولا خطينا في ده المشوار.؟