نكت للبش مهندسين الى دخلو والى ناوووووووووووووووووووين

مرة دكتور هندسة وصفية مات ....دفنوه تحت خط الأرض

واحد مهندس بيقول لصاحبه ما هي التان توفة ( tan tofa ) ؟
رد زميله و قاله sin tofa \ cos tofa

مرة واحد مهندس قاعد في لجنة الأمتحان قام طلع شلن فكة و عمال يلعب ملك و كتابة
فالمهندس اللي جانبه قاله بتعمل ايه يا هندسة .....قاله بشوف الصح و الخلط ...
لو طلع ملك يبقي صح و لو كتابة يبقي غلط
كمان نصف ساعة و قبل تسليم الورق بعشر دقائق طلع البشمهندس هوهو الشلن تاني و لعب ملك و كتابة برده
فسأله المهندس اللي جانبه بتعمل ايه يا هندسة ...........قاله براجع اللي عملته


بيقولك مرة دعبس ماشي في الصحراء و معاه موبايل فيه شرطة واحده و هيموت و لازم يعمل اتصال و محتاج شرطتين علي الاقل عشان يعمل الاتصال ده فقام عمل موازي عمودي موازي و عمل الشرطة التانية و اتصل ....وصفية بقه

امتي يا بشمهندس تعرف انك في هندسة ؟

1- لما مرة واحدة تحس ان الناس كلها شبه بعضها , ولاد و بنات مع انهم مش كدة , لكن التعبيرات ال على وشوشهم واحدة !!

2- لما تلاقى الراجل ال على الباب بيدخل الناس كلها من غير ميسألهم فين الكارنيه , لكن ييجى عندك انت و يمسكك , عرف منين انك من بره الكلية ؟ اكيد عشان مش شبههم ... لو بتروح كتير ممكن تكتسب الشبه ده و لو نفسك اوى ابقى حل شوية شيتات و خش ورشة مرة ...!

3- لما تيجى تخش المحاضرة تلاقى واحد مطلع من شنطتوا كتب المنهج كلها ,و راصصها عالبنش كأنوا بيبيع جرانين و تيجى تسألوا يقلك : "محجوز ياباشمهندس" ( و لو ركزت اكتر ممكن تلاقى مجلات , وجرانين , اخبار ... اهرام ... يعنى مش ده المهم , دة ال لاقاه الراجل فى البيت هيعمل ايه يعنى ؟!! )

4– لما تيجى ماشى و تلاقى واحد بيسأل البواب القاعد على باب المبنى ,بيقول له " لو سمحت يا بشمهندس هو سكشن 10فين ؟؟؟" مع انه بواب , وشكله بواب و ماسك مقشة فى ايده , بس هو الواد اتعود على الكلمة خلاص !!!
طبعا الاحترام واجب

5- لما و انت بتتمشى فى الكلية , وبتبص عالحيطة بالصدفة تلاقى ورقة متعلقة ورا الباب و مدلدلة وواقعة , مكتوب فيها ما يفيد بأنك عندك امتحان تانى يوم , ممكن تسقط لو مامتحنتوش , بس هيعملولك ايه يعنى انت اللى ماقرأتهاش , هما عملوا العليهم و علقوها !

6 - لما تحس أنك بدأت تشوف حاجات الناس اللي حوليك مش شايفنها و تقول الله كل دي الكترونات علي ماكنيزمات
ساعتها يبقي انت كده فعلا في هندسة

مرة 2 مهندسين رسم هندسي كانوا بيلعبوا مع بعض واحد استخبى ورا العمود التاني رسمه داش "حذر من ال2 المهندسين؟
ليه اللبن سقط في التكامل؟؟؟ عشان لما كامل الدسم محطش الثابت
طب ليه سقط في الرسم الهندسي ؟؟؟ عشان لما قطع مهشرش

هل السجن افضل من كليه الهندسه؟
فى السجن تبقى عارف هتخرج امتى
فى السجن تبقى عارف ان الاشغال الشاقه تنتهى بعد التخرج
فى السجن بتكسر زلط بالنهار وبليل بتنام زى خلق الله
فى السجن محدش بيقطع اللوحه اللى سهرت عليها اسبوع
فى السجن لو خرجت مش ممكن ترجعه تانى برجليك تعمل درسات عليا
مش ممكن واحد مسجون يخرج قبلك من السجن ويتنطط عليك ويعينوه شويش