دمعه نزلت من عيونى
واللى أصعب من الفراق
إن الفراق كان إختيارى
إخترت أبعد أه وأفارق
إخترت جرحى يكون بإيدى
وعلشان البسمه تنور طريق
لازم الفراق يكون طريقى
لازم أبعد وفى سكات
لازم أسجن جوايا جرحى
وإن كان ضرورى يتجرح حد
تبقى دموعى نصيبى وقدرى
هأرسم بدمعى ضحكتهم
ومش هأوافق تنزل دموعهم
دول صحابى وأغلى ماعندى
وسعادتى هى سعادتهم
أيوه صعب أتحمل فراقهم
صعب أبعد عنهم
بس أصعب من فراقهم
إنى أكون سبب جرحهم
مش هأسامح نفسى يومها
ومش هأتحمل يلومنى حد
والذنب يومها هايبقى ذنبى
ومش هايرحمنى أى حد
خلاص ياصحابى يا أغلى ناسى
فراقنا أصبح الحل الوحيد
ومن النهارده هأفارق وهأبعد
ومن النهارده هأعيش وحيد