بصراحه كده
انا النهرده جه في بالي فكره غريبه حبتين تلاته
هتقولولي غريبه في ايه هقولكم ليه دلوقت حالا
بلا استثناء: مفيش حد شاف عنوان الموضوع الا ومن جواه قال
لا طبعا مش موافق مع الحب من طرف واحد دا غلط....
انا مش بسأل النهرده عن انت مع ولا ضد الحب من طرف واحد..؟؟
سؤالي النهرده غريب شويه
هل تعتقد ان الحب من طرف واحد ممكن يتحول لطرفين ام...سيظل من طرف واحد الي الابد..؟
يمكن الفكره جت عندي من موضوع حصل اختصاره ان بنوته كانت بتحب ولد اوي
والولد دا طول عمره بيعرف بنات وموضوع انه يرتبط حقيقي دا ملغي نهائي من عنده
بدات هي تحبه وتتعلق بيه من غير ما تقول اي حاجه ليه...الفتره دي فضلت 3 سنين
وبعد 3 سنين فعلا حبها اوي وحس بيها اوي وبقي معاها
ودلوقت بقي بيحبها اكتر ما هي بتحبه
علي فكره القصه دي حقيقي وشوفت احداثها بعيني
انت بقي متخيل ان دا ممكن فعلا يحصل في زمننا دا
ولا نادر...؟؟
ممكن الحب من طرف واحد يبقي من طرفين ؟؟ والطرف التاني يحب الاول اكتر...؟
ايه رأيكم نتناقش في الموضوع دا ونشوف رأي كل واحد فينا ايه
ممكن الي بيحب حد يحببه فيه...؟؟ ممكن يشده ليه زي ما هو اتشد ليه.؟؟
ولا مستحيل الحب من طرف واحد يتحول لطرفين ولا صعب ولا ايه رأيك..؟؟
يارب الموضوع يعجبكم وتشاركوني فيه
تقبلوا تحياتي